Carmen Rosende Soul Progresivo en concerto!

Venres 26 de setembro · Apertura de portas: 21:30 · Comezo: 22:00 · Sala Supersónic (Vigo)

Anticipadas 12€/ Taquilla 15€

Carmen Rosende Soul Progresivo leva o soul a outra dimensión. No seu repertorio atopamos temas de artistas como Marvin Gaye, Stevie Wonder ou os Temptations, pasados por un filtro de creatividade, risco e personalidade propia.

Cada versión é unha transformación: estruturas abertas, sons analóxicos e moita improvisación nun directo que sorprende por intensidade e sutileza a partes iguais.

A voz de Carmen Rosende destaca como fío condutor de toda a proposta, cunha interpretación poderosa, versátil e profundamente expresiva.

A formación —voz, Fender Rhodes e batería— propón unha experiencia sonora distinta, cargada de matices e emoción.

A enerxía do directo é contaxiosa: un diálogo constante entre artistas e público que envolve e deixa pegada.

Un concerto para quen busca algo máis que soul: unha reinterpretación libre e actual con raíces fondas.