Mondra

A XI edición do ciclo musical Os Xoves de Códax ofrece unha programación con recoñecidos artistas, marcada pola mestura musical e cultural, que abrangue dende o flamenco, a música electrónica ou a música de raíz galega. A recadación de cada un dos concertos destinarase a entidades benéficas, como parte do compromiso social da adega.

INFORMACIÓN DO EVENTO

Nesta penúltima cita, a terraza de Bodegas Martín Códax encherase dos ritmos de música de raíz e electrónica de Mondra, un artista multifacético, cuxo corazón bate ao ritmo da música e da danza tradicional galega, así como do teatro e do audiovisual. A súa traxectoria artística comezou enraizada na cultura musical e danzante da súa terra natal, explorando as súas raíces e expandindo os seus horizontes creativos.

Desde 2021, forma parte da compañía DeMente, liderada por Fran Sieira, como vocalista e bailarín. En setembro de 2023, lanzou o seu primeiro álbum “ARDĒN”, unha fusión única de música tradicional galega e elementos contemporáneos, producido por Berto. Galardoado nos Premios Martín Códax da Música 2024 na categoría de Electrónica. O álbum foi acompañado polo espectáculo “FOLĪA das ARDENTES”, unha extravagante mestura de percusión tradicional, electrónica e danzas urbanas, aclamado en festivais e esgotando entradas nas súas presentacións. Mondra promete continuar encantando o público durante a súa extensa xira polo territorio galego ao longo do 2024.

 ATENCIÓN

- Está totalmente prohibida a entrada a menores de idade.

- O importe da entrada destinarase á organizacións solidarias.

- Coa compra da entrada o asistente da o seu consentimento para aparecer no material audiovisual do evento.