Tics-Espazo de Formación Artística celebrará os días 10 e 11 de xuño a súa VIII Actuación de Fin de curso "ARTICSTAS FAMOSOS", espectáculo multidisciplinar na que reunirá a todo o alumnado do seu espazo de formación e dos centros educativos nos que imparten actividades extra-escolares. Con máis de 300 alumnos de idades comprendidas entre 3 e 60 anos, festexarán co público todo o que teñen creado e gozado das artes durante este curso lectivo 2022/23, utilizando o teatro, a acrobacia, a música, o canto e diferentes estilos de Danza, para meterse por unhas horas na pel dos grandes cantantes, actores e artistas da historia e compartir co público o seu traballo, diversión, emocións e creatividade!