Xira Despedida do multipremiado espectáculo Elisa e Marcela da compañía teatral A Panadaría nun

espazo singular, na palleira da Casa Lourán. Este espectáculo é, en palabras da crítica: “Un canto ao amor

valente e, ao tempo, unha homenaxe e unha reivindicación”.

Ano 1901, A Coruña. Dúas mulleres casan na Igrexa de San Xurxo, unha delas vestida de home.

Unha historia de persecucións policiais, fuxidas en dilixencia, cambios de identidade e informacións

manipuladas.

As cómicas de A Panadaría presentan unha reconstrución irreverente dun suceso real. Unha comedia

musical onde o verídico parece invento.

Elisa e Marcela é unha historia de amor a contratempo.

Casa Lourán, construída arredor do século XVII, é na actualidade un aloxamento rural que transmite

tranquilidade e paz ás viaxeiras. Ao pé da Serra da Loba, na contorna das Fragas do Eume, este lugar

máxico súmase á celebración da vida e amor de Elisa e Marcela.